kinwat today news

साहित्यरत्न अण्णाभाऊ साठे यांच्या जन्मशताब्दी वर्षानिमित्त किनवट येथील अण्णाभाऊ साठे चौकात अभिवादन सोहळा संपन्न.

किनवट(आनंद भालेराव): साहित्यरत्न अण्णाभाऊ साठे यांच्या जन्मशताब्दी सोहळ्यानिमित्त अण्णाभाऊ साठे चौक किनवट येथे अभिवादनाचा कार्यक्रम संपन्न झाला.


या कार्यक्रमाच्या अध्यक्षस्थानी किनवट न. पा. चे अध्यक्ष आनंद माच्छेवार हे होते तर प्रमुख अतिथी म्हणून किनवट/ माहूर चे लोकप्रिय आमदार मा. भिमराव केराम होते आ.भीमराव केराम यांच्या हस्ते ध्वजारोहण करण्यात आले .तसेच अण्णाभाऊ साठे यांच्या प्रतिमेस पुष्पहार अर्पण करून अभिवादन करण्यात आले.
याप्रसंगी आमदार भीमराव केराम यांच्यातर्फे साहित्यरत्न अण्णाभाऊ साठे यांच्या 100 व्या जयंतीनिमित्त 100 अन्नधान्याचे किट चे गरजू व्यक्तींना वाटप करण्यात आले.

याप्रसंगी मार्गदर्शनपर बोलताना भीमराव केराम म्हणाले की, सदरील पुतळ्याच्या जागी भव्य आणि दिव्य पुतळा परिसराचे सुशोभीकरण पुढच्या वर्षीच्या जयंती पर्यंत बनविण्याचा आमचा मनोदय आहे. नगरपालिका भाजपाच्या ताब्यात असल्यामुळे सदरील काम लवकरात लवकर करू असे याप्रसंगी आश्वासित केले. तसेच साहित्यरत्न अण्णाभाऊ साठे हे श्रमिकांचे नेते होते. त्यांचे संयुक्त महाराष्ट्राच्या चळवळीत मोठे योगदान होते. तसेच शोषित, पीडित, कष्टकरी जनतेच्या अन्याला आपल्या धारदार लेखनीच्या माध्यमातून वाचा फोडण्याचे कार्य केले. त्यामुळे अण्णाभाऊ साठे यांच्या जन्मशताब्दी वर्षानिमित्त मा. मुख्यमंत्री उद्धवजी ठाकरे यांना पत्राद्वारे साहित्यरत्न अण्णाभाऊ साठे यांना भारताचा सर्वोत्कृष्ट पुरस्कार समजल्या जाणारा “भारतरत्न” पुरस्कार देऊन गौरविण्यात यावा. तसेच यावर्षी चे निमित्त साधून डॉक्टर बाबासाहेब आंबेडकर संशोधन व प्रशिक्षण संस्था(बार्टी) च्या धर्तीवर साहित्यरत्न अण्णाभाऊ साठे संशोधन व प्रशिक्षण संस्था (आर्टी) ची स्थापना करण्याबाबत आपण मुख्यमंत्र्यांना पत्र लिहून कळविले आहे. तसेच याचा आपण पाठपुरावा करीत राहू असे समाजाला आश्वासित केले

याप्रसंगी नगराध्यक्ष आनंद माच्छेवार, माजी उपनगराध्यक्ष श्रीनिवास नेमानीवार, माजी नगराध्यक्ष के मूर्ती, माजीउपनगराध्यक्ष अनिल तिरमणवार, भाजप ता.अध्यक्ष संदीप केंद्रे,नगरसेवक जहीर खान, शिवा क्यातमवार, बालाजी धोत्रे, शिवना कलगुटवार ,दुर्गादास बडूर, प्रा. सुरेंद्र शिंदे, तुकाराम बोनगीर, आनंद भालेराव, धनाजी बसवंते, स्वामी नुत्तपेल्लीवार, भगवान मारपवार, रमेश दिसवार ,संजय कोतूरवार, नर्सिंग कार्पेंटर, राज माहुरकर, बाळू बसवंते, के स्वामी,लक्ष्मीपती दोनपेलीवार, शंकर भंडारे, दादाराव कयापक, संजय बोलेनवार, इस्तारी कुंटलवार, पत्रकार संघाचे अध्यक्ष अनिल भंडारे,जिल्हा उपाध्यक्ष प्रदीप वाकोडीकर, दत्ता जायभाये, मिलिंद सर्पे, दुर्गादास राठोड, साजिद बडगुजर, मधुकर अनेलवार,पत्रकार संघाचे अध्यक्ष गोकुळ भवरे, अनिरुद्ध केंद्रे, मारुती सुंकलवाड, मजीदवाड, प्रा.पंजाब शेरे, गायक सुरेश पाटील,काळे साहेब,रवी आयनेनिवार आदी मान्यवर तसेच समाज बांधव इतर अण्णाभाऊ साठे प्रेमी जनता उपस्थित होते.
सदरील कार्यक्रम मातंग समता परिषदे तर्फे आयोजित करण्यात आला होता.

Social share
  •  
  •  
  •  
  •  
  •  
  •  
  •  

5 thoughts on “साहित्यरत्न अण्णाभाऊ साठे यांच्या जन्मशताब्दी वर्षानिमित्त किनवट येथील अण्णाभाऊ साठे चौकात अभिवादन सोहळा संपन्न.

Leave a Reply