नांदेड: कंधार तालुक्यातील हाळदा नगरीचे भूमिपुत्र आणि विद्यार्थी काँग्रेसचे प्रदेश प्रवक्ता तथा प्रदेश सरचिटणीस अभिजीत हळदेकर यांनी नांदेड जिल्ह्याचे भूमिपुत्र आणि महाराष्ट्र राज्याचे माजी मुख्यमंत्री तथा नांदेड जिल्ह्याचे पालकमंत्री अशोकरावजी चव्हाण यांच्या बासष्टाव्या वाढदिवसाच्या निमित्ताने हाळदा ता.कंधार येथील बासष्ट गरजू, वयोवृद्ध स्त्री-पुरुषांना ब्लँकेटचे वाटप जिल्हा नियोजन समितीचे सदस्य तथा कंधार तालुका काँग्रेस कमिटीचे अध्यक्ष बालाजीराव पांडागळे व कंधार काँग्रेस कमिटीचे ज्येष्ठ नेते सनदी अधिकारी व अभिनेते एकनाथ उर्फ अनिल मोरे यांचे शुभहस्ते एका विशेष कार्यक्रमात करण्यात आले.

कार्यक्रमाच्या अध्यक्षस्थानी माजी सरपंच दत्तात्रय शिंदे हे होते तर प्रमुख पाहुणे युवक काँग्रेसचे शहराध्यक्ष विठ्ठल भाऊ पावडे, नांदेड-वाघाळा महानगरपालिकेचे नगरसेवक संदीप सोनकांबळे, नगरसेवक प्रतिनिधी दीपक पाटील, ज्येष्ठ साहित्यिक जगन शेळके, उपसरपंच सचिन शिंदे, बाबाराव पाटील शिंदे, आत्माराम वगावाड, गणेश पवळे चिखलीकर, देवराव पांडागळे, कमलाकर शिंदे, सतीश देवकते,अशोक चिखलीकर ,बालाजी कपाळे,स्वप्निल परोडवाड, ऋषिकेश बसवंते,राजमुद्रा संघटनेचे जिल्हाध्यक्ष शहाजी शिंदे,आदींची उपस्थिती होती.

अभिजीत कांबळे यांनी कोरोना या वैश्विक महामारीच्या काळात गोरगरीब आणि गरजू लोकांना अनेक अर्थाने मदत केली असून अशोकराव चव्हाण यांच्या वाढदिवसानिमित्त ही सामाजिक बांधिलकी जपत गोरगरीब व वृद्ध स्त्री-पुरुषांना आज ब्लँकेटचे वाटप केले ही बाब अत्यंत अभिनंदनीय असून अशा सामाजिक उपक्रमातून माणसाला नवी दृष्टी मिळत असते. असे गौरवोद्गार ज्येष्ठ अभिनेते अनिल मोरे यांनी व्यक्त केले.
अभिजीत हळदेकर यांनी घेतलेला हा ब्लॅंकेट वाटपाचा कार्यक्रम अत्यंत स्तुत्य असून आपल्या नेत्याच्या वाढदिवसाच्या निमित्ताने घेतलेला हा कार्यक्रम निश्चितच इतरांसाठी प्रेरणादायी असून अभिजीत हळदेकर हे निश्चितच गौरवासपात्र असल्याचे मत काँग्रेस कमिटीचे तालुकाध्यक्ष बालाजीराव पांडागळे यांनी व्यक्त केले. यावेळी युवक काँग्रेसचे शहराध्यक्ष विठ्ठल पावडे ,नगरसेवक संदीप सोनकांबळे ,दीपक पाटील, जगन शेळके, बाबाराव पाटील शिंदे यांनीही या उपक्रमाचे कौतुक करून अभिजित हळदेकर यांना शुभेच्छा दिल्या.

कार्यक्रमाचे प्रास्ताविक आयोजक अभिजीत हळदेकर यांनी केले सूत्रसंचालन शहाजी पाटील शिंदे तर आभार नितेश पाटे यांनी मानले. कार्यक्रम यशस्वी करण्यासाठी संदीप कांबळे, पंकज जाधव ,गंगाधर आडेराव, नरेश दूधंबे,खंडू तोंडचोरे, संकेत यलतवार, नितीन कांबळे, ऋषिकेश भाग्यवंत,ज्ञानेश्वर कांबळे, अजिंक्य हाळदेकर आदींनी परिश्रम घेतले.

किनवट प्रतिनिधि/( दि. २९) मराठवाडा ही कै.शंकरराव चव्हाण यांची कर्मभूमी! त्यांच्या मार्गदर्शनाखाली काँग्रेस पक्षाशी एकनिष्ठ राहून राज्याचे माजी मुख्यमंत्री अशोकरावजी चव्हाण साहेब यांच्या नेतृत्वात काँग्रेस पक्षाचा झेंडा खांद्यावर घेऊन नगराध्यक्षपद, पत्रकार संघाचे अध्यक्षपद, लायन्स क्लबचे अध्यक्षपद यासह स्थानिक स्वराज्य संस्थेत अनेक पदावर राहून सामाजिक बांधिलकी जोपासत जनहितासाठी झटणारे किनवट तालुका पत्रकार संघाचे मुख्य सल्लागार तसेच पत्रकार संघटनेचे मार्गदर्शक के. मूर्ती यांना आगामी होऊ घातलेल्या मराठवाडा पदवीधर मतदार संघाच्या निवडणुकीसाठी काँग्रेस पक्षाची उमेदवारी देण्याची मागणी निवेदनाद्वारे काँग्रेस पक्षश्रेष्ठींकडे केली आहे.

आगामी होत असलेल्या मराठवाडा पदवीधर मतदारसंघ निवडणुकीच्या अनुषंगाने किनवटचे माजी नगराध्यक्ष, काँग्रेस पक्षाचे एकनिष्ठ के. मूर्ती यांनी नुकतीच मराठवाड्यातील अनेक पदवीधर मतदारांची संपर्क साधून आपली भूमिका त्यांच्यासमोर मांडून होत असलेल्या या निवडणुकीत मला काँग्रेस पक्षाकडून उमेदवारी मिळाल्यास निवडणूक लढविणार असल्याचे सांगितल्याने त्यांच्या या विचाराला अनेकांनी प्राधान्य देत तुम्ही काँग्रेस पक्षाकडून उमेदवारी आणा आम्ही बीनशर्थ तुमच्या पाठीशी उभे राहू असा विश्वास दिल्याने के. मूर्ती पक्षातील काही प्रमुख नेत्यांसी याबाबत चर्चा केली असता त्यांनीही सहमती दर्शविली आहे. ही सर्व पार्श्वभूमी लक्षात घेऊन के . मूर्ती हे जिल्ह्याचे पालकमंत्री तथा माजी मुख्यमंत्री अशोकराव चव्हाण यांच्याकडे आपल्या समर्थकांसह भेट देऊन उमेदवारी मागणीचे निवेदन देणार असल्याचे त्यांनी पत्रकारांना सांगितले.
तसेच राज्याचे काँग्रेस पक्षाचे प्रदेशाध्यक्ष बाळासाहेब थोरात व महाराष्ट्र राज्याचे पक्षाचे प्रभारी एस के पाटील यांच्याशी लवकरच भेट घेऊन आपली भूमिका स्पष्ट करणार असल्याचे सांगितले. के. मूर्ती यांना त्यांच्या चाळीस वर्षाच्या पक्षाच्या योगदानाची दखल घेऊन उमेदवारी दिल्यास राष्ट्रवादी काँग्रेस पक्षाच्या उमेदवारांसमोर के. मूर्ती यांचे मोठे आव्हान उभे राहू शकेल अशी चर्चा किनवट तालुक्यात सुरू आहे.

नांदेड (जिमाका) दि. 27 :- कोरोना आजारातून आज पंजाब भवन कोविड केअर सेंटर येथील 5 बाधित व्यक्ती बरे झाल्याने त्यांना रुग्णालयातून सुट्टी देण्यात आली आहे. आतापर्यंत जिल्ह्यातील 349 बाधितांपैकी एकूण 275 व्यक्ती कोरोनातून बरे झाले. शनिवार 27 जून रोजी सायं 5 वाजेपर्यंत प्राप्त झालेल्या एकुण 80 अहवालापैकी 62 अहवाल निगेटिव्ह तर 18 नवीन बाधित व्यक्ती आढळले.

नवीन बाधितांमध्ये विष्णुपुरी येथील 57 वर्षाचा 1 पुरुष, शिवाजीनगर येथील 62 वर्षाचा 1 पुरुष, बोरबन परिसरातील 55 वर्षाची 1 महिला, गोकुळनगर येथील 58 वर्षाची 1 महिला, बिलालनगर येथील 6 वर्षाची 1 मुलगी, नाथनगर येथील 22 वर्षाची 1 महिला, भगतसिंघ रोड येथील 52 वर्षाची 1 महिला, पिरबुऱ्हानगर येथील 19 व 20 वर्षाच्या 2 महिला व 3 वर्षाचा 1 बालक, उमरकॉलनी येथील 28 व 60 वर्षाच्या 2 महिला, लेबरकॉलनी येथील 34 वर्षाचा 1 पुरुष, देगलूरनाका शिवनगर नांदेड येथील 64 वर्षाची 1 महिला, नायगाव ताकबीड येथील 44 वर्षाचा 1 पुरुष, गॅस गोडाऊन लोहा येथील 52 वर्षाची 1 महिला व 55 वर्षाचा 1 पुरुष आणि चंद्रभागानगर कंधार येथील 44 वर्षाच्या 1 महिलेचा यात समावेश आहे. या सर्व बाधित व्यक्तींची प्रकृती स्थिर आहे.

58 बाधितांवर औषधोपचार चालू असून यातील 6 बाधितांची प्रकृती गंभीर स्वरुपाची आहे. यात वय 50 व 55 वर्षाच्या दोन महिला बाधित व 38, 42, 67 व 75 वय वर्षाचे 4 बाधित पुरुषांचा यात समावेश आहे.

नांदेड जिल्ह्यात 58 बाधित व्यक्तींमध्ये डॉ. शंकरराव चव्हाण शासकीय वैद्यकीय महाविद्यालय विष्णुपुरी नांदेड येथे 13, पंजाब भवन कोविड केअर सेंटर येथे 39, एक बाधित नांदेड शहरातील खाजगी रुग्णालयात, मुखेड कोविड केअर सेंटर येथे 1 बाधित व्यक्ती उपचार घेत असून 3 बाधित औरंगाबाद आणि 1 बाधित व्यक्ती सोलापूर येथे संदर्भित झाले आहेत. शनिवार 27 जून रोजी 115 व्यक्तींचे स्वॅब तपासणीसाठी पाठविण्यात आले असून त्यांचा अहवाल उद्या सायंकाळी पर्यंत प्राप्त होईल.

जिल्ह्याची कोरोना विषयी संक्षीप्त माहिती पुढील प्रमाणे आहे.

सर्वेक्षण- 1 लाख 46 हजार 536,

घेतलेले स्वॅब- 6 हजार 133,

निगेटिव्ह स्वॅब- 5 हजार 311,

आज पॉझिटिव्ह स्वॅब संख्या- 18,

एकुण पॉझिटिव्ह बाधित व्यक्ती- 349,

आज स्वॅब तपासणी अनिर्णीत संख्या- निरंक,

आज स्वॅब नाकारण्यात आलेली संख्या- निरंक,

मृत्यू संख्या- 16,

रुग्णालयातून सुट्टी दिलेली संख्या- 275,

रुग्णालयात उपचार घेत असलेले बाधित व्यक्ती- 58,

स्वॅब तपासणी चालू व्यक्तींची 115 एवढी संख्या आहे.

कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.

00000

सारखानी प्रतिनिधी : सरखणी सारख्या अतिदुर्गम आदिवासी ग्रामीण भागातील कापूस, सोयाबीन कमी भावाने खरेदी करणाऱ्या व कापड चढ्या भावाने विक्री करणाऱ्या तसेच किराणा दुकानात तेल व इतर समानात भेसळ करून विकणाऱ्या व्यापाऱ्यावर गुन्हे दाखल करावे व दुकानाचे लायसन्स रद्द करण्यात यावे. या मागणीसाठी 2 नोव्हेंबर 2020 रोजी सारखणी तालुका किनवट येथे सेनेच्या वतीने रास्ता रोको आंदोलन करण्यात येणार असल्याचे गोर सेना जिल्हा अध्यक्ष एडवोकेट प्रदीप राठोड यांनी जिल्हाधिकारी यांना दिलेल्या निवेदनात मागणी केली आहे.
येथील व्यापारी केंद्र शासनाच्या आदेशाला धुडकावून शेतकऱ्यांच्या कृषी मालाला किमान आधारभूत भाव जाहीर होऊनही त्या आदेशाची पायमल्ली व्यापारी वर्गाकडून होत आहे. आधारभूत किमतीपेक्षा ही अत्यंत कमी भावाने शेतकऱ्यांकडून माल खरेदी करून शेतकऱ्यांना लुटले जात आहे. हा गोरख धंदा करणाऱ्या व्यापार्‍यावर फसवणुकीचे गुन्हे दाखल करावे असेही निवेदनात नमूद करण्यात आले आहे. या निवेदनाच्या प्रती लिपी खासदार हेमंत पाटील, आमदार भीमराव केराम,माजी आमदार प्रदीप नाईक ,सहाय्यक जिल्हाधिकारी किनवट ,सहाय्यक निबंधक नांदेड ,सहाय्यक आयुक्त अन्न व प्रशासन नांदेड, पोलीस उपनिरीक्षक सिंदखेड यांना देण्यात आले आहेत

किनवट प्रतिनिधी: हिंगोली चे खासदार हेमंत भाऊ पाटील यांनी आई रेणुकामाता चे दर्शन घेऊन माहूर किनवट तालुक्याचा दौरा केला. त्यांनी अतिवृष्टी ने नुकसान झालेल्या शेतकऱ्याच्या बांधावर जाऊन शेतीची अधिकाऱ्यांसमवेत पाहणी केली. व झालेल्या नुकसानीबद्दल शासनाकडे पाठपुरावा करून शेतकऱ्यांना नुकसान भरपाई मिळवून देण्यासाठी सर्वतोपरी प्रयत्न करणार असल्याचे त्यांनी सांगितले .

तसेच लवकरच रेल्वे गाड्या सुरू करण्याबाबत वरिष्ठांशी बोलणार असल्याचे सांगितले. किनवट तालुक्यात अवैद्य धंदे चालू असल्याबाबत त्यांना विचारलेल्या प्रश्नावर त्यांनी याबाबत लवकरच आय.जी. तांबोळी साहेबांसोबत चर्चा करून त्यांना याबाबत कळविण्यात येईल व अशा अवैध धंदे करणाऱ्याच्या विरोधात कार्यवाही करण्यात येईल असे सांगितले.

स्टेट बँक ऑफ इंडियाचे कर्मचारी शेतकऱ्यांना ची बाजू ऐकून घेत नाहीत .आशा तक्रारी आहेत. आशा कर्मचाऱ्यांना समजावून सांगण्याचा प्रयत्न करू व ऐकत नसल्यास शिवसेना स्टाईलने यांना धडा शिकवू असे त्यांनी सांगितले.

या दौऱ्या समवेत लोकनेते मा ज्योतीबादादा खराटे नांदेड जि नियोजन समेती सदष्य उपजिल्हा प्रमुख नांदेड
भाजपाचे युवा नेते अँड रमण जायभाये साहेब सुदर्शन नाईक तालूका प्रमुख माहूरगड निलधारी जाधव शहर प्रमुख माहूरगड,

किनवट तालुका प्रमुख बालाजी पाटील मुरकुटे ,सुनील पाटील गरड,मनोज तिरमनवार,अतुल दर्शनवाड,सुनील पाटील,सुरज सातूरवार, बजरंग वाडगुरे ,मारोती सुंकलवाड, गजानन कोल्हे,तहसीलदार सिद्धेश्वर वरणगावकर,तहसीलदार उत्तम कागणे,प्रशांत कोरडे, यांच्यासह शिवसेनेचे अनेक कार्यकर्ते व पदाधिकारी उपस्थित होते.

किनवट/प्रतिनिधी— किनवट पासून 7 की मी अंतरावर असलेल्या प्रधान गांवी येथील शेतकरी अंगद बापूराव चव्हाण (गुंडाळे) यांच्या शेतातील गोठयास आग लागून शेतकऱ्यांचे मोठे नुकसान झाले आहे.
आज (१८ मे २०२०) दुपारी २ ते ३ वाजताचे दरम्यान प्रधानसांगवीतील अंगद बापुराव चव्हाण (गुंडाळे) यांच्या शेताततील गोठ्यास लागलेल्या आगीत दोन गाई व दोन म्हशी भाजल्या गंभीर भाजल्या गेल्या. दोन वगारांचा भाजून मृत्यु झाला आहे. दोन हजार पेंढी कडबा व अन्य चा-यांसह गोठा जाळून खाक झाला आहे.
आज लागल्याचे समजताच किनवट न.प.च्या अग्नीशमन गाडीने ही विझवण्याचे काम केले. पशु वैद्यकीय अधिका-यांनी शर्थीचे प्रयत्न करुन जखमींवर तात्काळ उपचार केले.
प्रधानसांगवीतील अंगद बापुराव चव्हाण या शेतक-यांवर प्रचंड अाघात झाला आहे. दहा जनावरांना पावसाळभर पुरेल एवढा चारा विकत घेतला होता. त्या चा-याने पेट घेतल्याने पूर्ण गोठ्याला आग लागली. तेंव्हा शेतक-याला शासनाने तात्काळ मदत करण्याची आवश्यकता असल्याची मागणी करण्यात गावातून होत आहे.

विष्णुपुरी/नांदेड : जागतिक हात धुणे व वाचन प्रेरणा दिवस* साजरा करण्यात आला होता, या कार्यक्रमस जि प अध्यक्षा श्रीमती मंगाराणी आंबूलगेकर मॅडम,मुख्य कार्यकारी अधिकारी मा. श्रीमती वर्षा ठाकूर घुगे मॅडम ,पंचायत समितीचे सभापती प्रतिनिधी मा.बबनराव वाघमारे साहेब, उपसभापती मा.ऍड राजू हटकर सर, गटविकास अधिकारी मा.यु .डी. तोटावाड सर, सहाय्यक गट विकास अधिकारी श्रीमती अनिता सरोदे मॅडम ,शिक्षण विभागाचे गट शिक्षण अधिकारी मा.रुस्तम आडे सर , शालेय समिती चे अध्यक्ष,ग्राम पंचायत विष्णुपुरी चे प्रशासक श्री बच्चेवार साहेब, ग्राम विकास अधिकारी श्री. सूर्यवंशी साहेब,जिल्हा कार्यक्रम अधिकारी मा.मिलिंद व्यवहारे, एस बि एम चे ऍड चंद्रमुनी कांबळे, उमेद चे इरवंत सुर्यकार, अन्य विभागाचे अधिकारी, कर्मचारी उपस्थित होते ..
या कार्यक्रमात मा मु का अ यांनी वाचन प्रेरणा दिनानिमित्त सर्वांना शपथ दिली , हात धुवून त्यांचे महत्व समजाऊन सांगितले , मिलिंद व्यवहारे सर यांनी हात धुवण्याचे प्रात्यक्षिक करून दाखवले , मी स्वतः उमेद अभियानाच्या वतीने करीत असलेल्या कामाबाबत व हात कसे धुवावे या विषयी गाण्याच्या माध्यमातून समजाऊन सांगितलो ,माजी राष्ट्रपती डॉ ए. पी. जे.अब्दुल कलाम यांच्या जयंती निमित्त विनम्र अभिवादन करण्यात आले.

नांदेड : जिल्हयातील दिव्यांग बांधवांना शासकीय योजनेची प्रभावी अंमलबजावणी व्हावी व समस्या सोडविण्याच्या दृष्टीने ‘ दिव्यांग मित्र नांदेड ‘ हे अॅप तयार करण्यात आले असून सदरील अॅप आपल्या मोबाईलवर प्ले स्टोअर मधून डाऊनलोड ,करून त्यातील माहिती अचूक भरावी म्हणून
म्हणून त्या अँपचे प्रशिक्षण सर्व गटविकास अधिकारी यांना देऊन प्रत्येक गावात ग्रामसेवक व ग्रामपंचायत आँफरेटर यांना आदेश देऊन सुद्धा त्यांची प्रभावी अंमलबजावणी नांदेड जिल्ह्यात न झाल्याने फक्त एक हजार दिव्यांग बांधवांनी नोंद केली नांदेड जिल्ह्यातील तिस हजार दिव्यांग बांधव या नोंदणी पासुन वंचित राहात आहेत.
नांदेड जिल्ह्यातील प्रत्येक तालुक्यात दिव्यांग मिञ अँपमध्ये नोंद करण्यात आलेली आकडेवारी शेकड्याने खालील प्रमाणे
1) माहुर 189 2) मुदखेड 207 3) कंधार 271 4) भोकर 300
5) धर्माबाद323 6) हिमायतनगर 384 7) ऊमरी 415 8) अर्धापुर 419 9) लोहा 503 10) नायगाव 523 11) हदगाव 622 12)नांदेड 672 13) बदलली 707 14) किनवट 741 15) देगलूर 848 16) मुखेड 1317
एकून सोळा तालुक्यात दिव्यांग मिञ अँप मध्ये जी प नांदेड अंतर्गत ग्रामपंचायत तर्फे दिव्यांग मिञ अँपमध्ये ऐकुन तिस हजार दिव्यांग 21 प्रकारचे असताना प्रशासन यांच्या कामचुकार मुळे फक्त 8350 नगरपालिका कक्षात 1700 असे ऐकुन दहा हजार दिव्यांगाची नोंद करण्यात आली तेहि चळवळ संघटनेने सोशल मिडिया वर केल्यामुळे झाली.
सदरील दिव्यांग अॅपच्या माध्यमातून दिव्यांग बांधवांना आपली नोंदणी
नऊ फोल्डर सविस्तर व्हावी म्हणून त्यांची प्रभावी अंमल
बजावणी व्हावी म्हणुन दि 14 जुलै ते 31 जुलै पर्यंत नोंदणी करण्यासाठी दिव्यांग संघटना. सामाजिक कार्यकर्ते यांना विचारात घेऊन नोंदणी करावी असे आदेशीत करून सुध्दा कोणत्याही गटविकास अधिकारी यानी विचारात न घेता लवकर आदेश न दिल्याने ग्रामपंचायत आँफरेटर, हे विमा भरण्यात गुंग असल्याने व ग्रामसेवक प्राणी भेटत नसल्याने हे लक्षात घेऊन अनेक संघटनेनी सोशल मिडिया वर माहिती दिल्यामुळे कांही प्रमाणात दिव्यांग बांधव वनवन भडकून सेतु केंद्र मिञाकडे नोंदणी केली आहे़
पण अनेक दिव्यांग बांधव वंचित राहात असल्याचे खंत डाकोरे पाटिल यांनी व्यक्त केली.
प्रशासकीय अधिकारी वरिष्ठाच्या आदेशाची अंमल बजावणी करीत नसल्याने अनेक योजना दिव्यांग बांधवाना मिळत नसल्याची खंत दिव्यांग वृध्द निराधार मित्र मंडळ महाराष्ट्र संस्थापक अध्यक्ष चंपतराव डाकोरे पाटिल कुंचेलीकर. माधव शिंदे. ज्ञानेश्वर नवले. राजु शेरकुरवार शंकर शिंदे. विठल बेलकर यादव फुलारी बालाजी ताटे, मोहन कऊटकर सुदर्शन सोनकांबळे, जाधव ज्ञानेश्वर, पांडुरोग सुर्यवंशी,सलिम दौलताबादी, हंनमत हेळगिर,
यांनी प्रसिद्ध केले आहे.

किनवट:( तालूका प्रतिनिधी )
किनवट शहरापासून हाकेच्या अंतरावर पैनगंगा अभयारण्य खरबी स्थित निसर्गाचा अनमोल ठेवा मानव निर्मित कचर्‍यामुळे धोकादायक बनला असुन किनवट मॉर्निंग वॉक समूहाने दि. 06 रोजी सकाळी जवळपास 50 किलो कचरा उचलून परिसर साफ केल्याने या स्तुत्य उपक्रमाचे सर्वच स्तरातून कौतुक केले जात आहे. पैनगंगा अभयारण्य हा निसर्गाने नटलेला नयनरम्य परिसरा असुन येथील कोरोना महामारी च्या पार्श्वभूमीवर निरोगी व शुद्ध हवा तल नागरीकांसाठी वरदान ठरत आहे. परंतु खरबी परिसर तळीरामांसाठी आवडीचे ठिकाण बनले असुन दारूचा बाटल्या, चिप्से कवर, प्लस्टिक पिशव्या अस्ताव्यस्त फेकल्यने मोठ्या प्रमाणात घाणीचे साम्राज्य पसरले आहे. त्यामुळे येथे फिरणाऱ्या नागरीकांचे आरोग्य धोक्यात आले आहे. तर फेकलेल्या पदार्थाकडे आकर्षित होऊन चिप्से कवर, प्लस्टिक पिशव्या खाल्यास वन्यप्राण्याचे जिव धोक्यात येणार आहे. तेव्हा या गंभीर बाबीची दखल घेत स्वखर्चाने साहीत्य आणुन हा परिसर स्वच्छ करण्याच प्रयत्न करीत ‘केल्याने होत आहे रे आधी केलेची पाहीजे’ या उक्तीची प्रचिती किनवट मॉर्निंग वॉक समुहाने दिली आहे. या वेळी डॉ.सुंकरवार, न.प. माजी उपनगराध्यक्ष अभय महाजन, संजय नेम्मानिवार, संजय मेहता, चेतन पंड्या, न.प. स्वच्छता दुत बाळकृष्ण कदम, बंडू कंचर्लावार, राजू ठोंबरे, राजेंद्र भातनासे यांनी परिश्रम घेतले असुन या परिसरात फक्त कचरा न करण्याचे सहकार्य करा असे आवाहन समुहाने केले आहे.

किनवट ( तालुका प्रतिनिधी) : किनवटमध्ये आज सोमवारी ( ता. तिन) सायंकाळी पावने सहा वाजता प्राप्त माहिती नुसार आरटीपीसीआर पद्धतीद्वारे केलेल्या तपासणीत 5 अहवाल पॉझिटिव्ह आल्याने बाधित रूग्णांची एकूण संख्या वाढून आता 32 झाली आहे. कोरोनामुक्त बरे झाल्याने सुटी होऊन घरी गेलेले आजपर्यंतचे एकूण 7 जण आहेत. बाधितांपैकी संदर्भित 3 व येथील कोविड केअर सेंटरमध्ये 22 असे एकूण 25 रुग्ण उपचार घेत आहेत.

सोमवारी (दि. तीन ) सायं. 05.45 वा . वाजता किनवटच्या एस.व्ही.एम. येथील 34 वर्षे वयाची एक महिला 13 वर्षाची एक मुलगी,11 वर्षाचा एक मुलगा, मोमीनपुरा येथील 44 वर्षाचा एक पुरुष व शिवणी येथील 21 वर्षाची एक महिला अशा 5 रुग्णांचा अहवाल पॉझिटिव्ह आढळला आहे. नविन रुग्ण आढळल्यामुळे उपविभागीय अधिकारी महेश वडदकर यांनी शिवणी गाव आता कंटेनमेंट झोन म्हणून जाहीर केले आहे.
किनवट शहरातील एस. व्ही. एम. कॉलनी, मोमीनपूरा, इस्लामपूरा, राजेंद्रनगर व तालुक्यातील तल्लारी, राजगड तांडा, लोणी व आता शिवणी या कंटेनमेंट झोनच्या विविध कामांची जबाबदारी तहसिलदार उत्तम कागणे, गटविकास अधिकारी सुभाष धनवे, गट शिक्षणाधिकारी सुभाष पवने, उप विभागीय पोलिस अधिकारी मंदार नाईक, पोलिस निरिक्षक मारोती थोरात, सहायक पोलिस निरीक्षक सुशांत किनगे, मुख्याधिकारी निलेश सुंकेवार यांचेवर सोपविली आहे.
डेडिकेटेड कोविड हेल्थ केअर सेंटर, उपजिल्हा रुग्णालय, गोकुंदा येथे 15 ( आरटीपीसीआर 9 + रॅपिड 6 ), कोविड केअर सेंटर, किनवट येथे 7 ( आरटीपीसीआर 4 + रॅपिड 3 ), व पूर्वीच संदर्भित 3 अशा एकूण 25 रुग्णांवर औषधोपचार सुरू असून त्यांची प्रकृती स्थिर आहे. जनतेंनी घाबरू नये, शासनाच्या व आरोग्य विभागाच्या सूचना पाळाव्या, असे आवाहन वैद्यकीय अधिक्षक डॉ. उत्तम धुमाळे व तालुका आरोग्य अधिकारी डॉ. संजय मुरमुरे यांनी केले आहे.

किनवट तालुक्याची कोरोना विषयी संक्षिप्त माहिती पुढील प्रमाणे
दि. 03/08/2020 सायंकाळी 17.45 वा. वाजता

आरटीपीसीआर टेस्ट
घेतलेले एकूण स्वॅब-209,
निगेटिव्ह स्वॅब- 159,
आज आरटीपीसीआर स्वॅब पॉझिटिव्ह संख्या- 5
स्वॅब तपासणी अनिर्णीत संख्या- 10
स्वॅब नाकारण्यात आलेली संख्या- 4,

ऍन्टिजेन टेस्ट
अॅन्टिजन टेस्ट – 01
निगेटिव्ह अहवाल – 01
आज रोजी पॉझिटीव्ह अहवाल – 0

आज रोजी एकुण पॉझिटीव्ह रुग्ण – 5
मृत्यू संख्या-  निरंक,
आतापर्यंतचे एकुण पॉझिटिव्ह व्यक्ती- 32,
रुग्णालयातून सुट्टी दिलेली एकूण संख्या- 7,
रुग्णालयात उपचार घेत असलेले बाधित व्यक्ती- 22 + संदर्भित रुग्ण 3